Styrkur, liðsauki og meðlimaskráning
STYRKUR
Þann 14. október 2021 var fyrsta úthlutun úr Styrktatsjóði geðheilbrigðis. Tilgangur sjóðsins er að stuðla að framförum í geðheilbrigðismálum með því að veita styrki til verkefna sem geta bætt geðheilbrigði íbúa Íslands og/eða skilning þar á.
Samtökin SÁTT sóttu um styrk í stjóðinn með verkefninu:
SÁTT: Fræðsla og forvarnir – Að vera SÁTT(ur) í eigin skinni
Verkefnið gengur út á að vinna að gerð fræðslu- og forvarnarefnis um átröskun fyrir heilsugæslu, skóla, líkamsræktarstöðvar og íþróttafélög. Með auknum sýnileika, vitundarvakningu og fræðslu megi stuðla að bættu geðheilbrigði ungs fólks sem er í áhættuhópi átröskunar. Samtökin stefna á að vinna efni, setja það upp með aðgengilegum hætti á heimasíðu og standa fyrir málþingi á vormánuðum 2022.
Fagráð styrktarsjóðs geðheilbrigðis mat að verkefnið falli vel að markmiðum sjóðsins. Í tilkynningu sjóðsins segir að verkefnið sé valdeflandi og unnið í nánum tengslum grasrótar- og fagaðila.
Samþykkt var að styrkja verkefnið um 1.000.000 kr.
Við í SÁTT erum afskaplega þakklát fyrir styrkinn og hlökkum til að nýta hann vel.
LIÐSSTYRKUR: Stjórn SÁTTar hefur fengið liðsauka. Það eru þau Sigríður Gísladóttir, verkefnastjóri, Styrkár Hallson, sálfræðingur og Hrafnhildur Sigmarsdóttir, sálfræðingur. Við erum þakklátar og hlökkum til að vinna saman að spennandi verkefnum saman.
SKRÁNING Í FÉLAGIÐ: Við höfum loksins opnað fyrir meðlimaskráningu í félagið og biðjum ykkur um að senda okkur tölvubréf í netfangið satt@atroskun.is, með nafni og kennitölu ef þið viljið vera meðlimir í félaginu.
